Conan Catchas ræktun

Til baka

Stigahæsti snögghærði chihuahuahundurinn 2009!!!
Annað árið í röð er stigahæsti snögghærði chihuahuahundurinn ISCH Perluskins Casper Dínó! Hann hefur átt góðu gengi að fagna á árinu, hefur verið besti hundur tegundar á öllum sýningum félagsins nema einni. Herbergið þeirra er að fyllast af bikurum, en Dínó er með alla farandbikara deildarinnar fyrir snögghærðan chihuahua...!

Við erum mjög ánægðir með hann, til hamingju Dínó minn... ;)

Haustsýning HRFÍ 2009
Já, það var ekki leiðinlegt að vera til 4.október síðastliðinn! 39 chihuahuahundar voru skráðir. Kolka, Dínó og Destiny voru skráð til leiks og ríkti mikil eftirvænting hjá mér hvernig úrslit skildu falla. Kolka var valin besti hundur tegundar og fékk sitt síðasta alþjóðlega meistarastig og er því orðin Alþjóðlegur meistari, eða Ungfrú Alheimur eins og ég vil kalla hana. Dínó var einnig valinn besti hundur tegundar og fékk sitt þriðja og næst síðasta alþjóðlega meistarastig. Kolka og Dínó voru sum sé fulltrúar tegundarinnar í grúppunni, einkennleg tilfinning!!! Destiny fékk íslenskt meistarastig og alþjóðlegt en þetta er þriðja íslenska meistarstigið hennar en þar sem hún er ekki orðin tveggja ára getur hún ekki fengið titilinn ISCH; íslenskur meistari.

Heimsenda Tóvu-Spor keppti í fyrsta sinn í meistaraflokk og fékk meistaraefni og flotta umsögn. Hún endaði svo sem þriðja besta tík tegundar.

Ekki leiðinleg helgi skal ég segja ykkur... ;)

Afmælissýning HRFÍ 2009
Áður en ég fer að tíunda úrslit minna hunda frá liðinni sýningu þá vil byrja á því að þakka stjórn félagsins, sýningarstjórn og öðrum þeim sem komu að undirbúning sýningarinnar kærlega fyrir mig! Sýningin var í alla staði glæsileg og hefði ekki getað betur skipulögð. Stórglæsileg!!!

Dínó, Destiny og Frímann voru skráð til leiks báða dagana.
Dínó var BHT-1 á laugardeginum og Frímann þriðji besti rakkinn með excellent og meistaraefni. Dómari var Marie Petersen, Danmörk. Á sunnudeginum fékk Frímann very good og keypti þar fyrir ekki um besta rakka tegundar. Dínó fékk excellent og hafnaði í öðru sæti um besta rakka tegundar.

Stjarna sýningarinnar fannst mér vera Destiny! Eins og allir vita sem standa mér næst stóð til að raka hana niður í vikunni eftir sýningu því mér fannst orðin borin von til þess að hún nyti einhvern tímann verðskuldað gengi á sýningum. Gott fólk, hún verður ekki rökuð...! Litla blökkubarnið mitt gerði sér lítið fyrir og fékk íslenskt meistarastig báða dagana, annað frá Ake Cronander, Svíþjóð, og það seinna frá Kari Jarvinen, Finnland, en hann er mjög fróður um tegundina og gaf hann mér góð ráð. Svoleiðis að leiðin að íslenska meistaratitlinum er allt í einu orðin stutt, vonandi;)
Náfrændi okkar Destiny, Adolf Helgi, átti einnig góðu gengi að fagna. Hann var að mæta í fyrsta sinn á sýningu, 11 mánaða, og fékk báða dagana excellent. Til lukku Dolli.

Heimsenda Tófuspor varð íslenskur meistari en ég hef verið svo heppinn að fá að fylgja henni í gegnum hennar feril...

ÉG er alsæll...
P.s. Conan og Catcha eru í einangrun.

Sumarsýning HRFÍ 2009
Já það er nú bara þannig að hann Dínó minn er svo fallegur. Það sýndi sig svo sannarlega á síðustu sýningu þegar hann var valinn besti hundur tegundar af hinni swissnesku Christine Rossier. Ekki nóg með það heldur tók Dínó sér þriðja sæti í tegundarhóp 9 en þangað voru mættir 20 bestu fulltrúar sinna tegunda. Dómari var Svein Helgeson, norskur. Hann er svo mikill engill hann Dínó, svo sætur ;)

Sýndar voru tvær tíkur úr Conan Catchas fjölskyldunni, mæðgurnar Frida (Conan Catchas Frida Kahlo) og Urður (Conan Catchas Pop Up The World) og fengu báðar excellent, fyrstu einkunn.

Við óskum vinum okkar til hamingju með sinn árangur á sýningunni...
Prufið að lesa textann smásælt, það eru svakalega mörg ess í þessu...hahahaha!!!!

Haldið ykkur...!!!
Já gott fólk, haldiði að útvíkkunin sé ekki bara stöðugt að verða meiri og
meiri! Það er ekki nóg með að Conan sé að koma í hús heldur kemur Chipau
Catcha líka;)
Æðislega gaman og mikil tilhlökkun, víííííííííííí!!!!

Thank you again Paula

Á meðfylgjandi myndum eru Conan og Catcha;)

Útvíkkun í Conan Catchas kotinu!!!
Það er mér sönn ánægja að kynna nýjan dreng til sögunnar.
Hann heitir Chipau Conan og er fæddur í Svíþjóð í byrjun febrúar 2009. Hann er væntanlegur til landsins í júlí og hans beðið með eftirvæntingu.
Ég er ræktanda hans, Paulu Liukkonen, ævinlega þakklátur fyrir hann og alla vináttuna.
Það er aldrei að vita nema að með honum komi félagi…dúdúrúdúdú;);););)

Gefum honum gott klapp…!!!

Thank you Paula for this lovely boy, your kindness and honesty…HUGS;)

Augnskoðun
fimm hundar með ræktunarnafnið Conan Catchas hafi mætt í augnskoðun um helgina og allir án athugasemda; CLEAR. einnig dóttir Dínó og að sjálfsögðu clear.

Afmælisbörnin í apríl…!

Til hamingju með afmælin ykkar, Kolka og Dínó!
Kolka varð sjö ára þann 20.apríl og Dínó varð sex ára þann 26.apríl, and still going strong!!!
Til lukku… ;)

Destiny er Clear!
Við erum svo svakalega mikið vanda okkur hérna í Conan Catchas kotinu að auðvitað var Destiny OptiGen testuð og niðurstöður liggja fyrir. Auðvitað er hún CLEAR!!!!

Sýning HRFÍ 28.feb.- 1.mars 2009
Um helgina var sýning Hundaræktarfélags Íslands. Metþátttaka var á sýningunni, rúmlega 800 hundar af yfir 90 tegundum mættu. Sjaldan hafi verið fleiri chihuahua hundar skráðir til leiks eins og nú. Chihuahua stóðu sig vel og áttu fulltrúa í mörgum verðlaunasætum. Til hamingju allir og sérstaklega Silla mín ( Himna-ræktun) með verðlaunasætin sín!

ISCH Perluskins Casper Dínó fékk meistaraefni og varð í fyrsta sæti í meistaraflokk snöggra chihuahua með einkunina excellent. Hann varð jafnframt besti rakki tegundar og besti hundar tegundar. Hann fékk alþjóðlegt meistarastig; CACIB.
Þetta er í sjötta sinn sem Dínó verður besti hundur tegundar.

ISCH Íslands-Ísafoldar Kolka fékk meistaraefni og varð í öðru sæti í meistaraflokk síðhærðra chihuahua með einkunina excellent. Hún varð þriðja besta tík tegundar.

Conan Catchas Pop Up The World (Urður) lenti í fyrsta sæti í unghundaflokk síðhærðra chihuahua tíka með einkunina excellent.

Conan Catchas Top Of The World (Erpur) varð besti rakki í hvolpaflokk 6-9 mánaða síðhærðra chihuahua.

Conan Catchas Christian Dior (Kiddi) varð í fyrsta sæti í opnum keppnisflokk snögghærðra chihuahua með einkunina very good.

Misty Meadows Fireman (Frímann) varð í öðru sæti í ungliðaflokk snöggra chihuahua rakka með einkunina very good.

Break-Dance-N di San Gimignano ( Destiny) varð í fyrsta sæti í ungliðaflokk með einkunina excellent. Destiny var ein í sínum flokk og eina minature púðlan. Það var leiðinlegt að henni skildi ekki geta gengið betur en að sögn dómara gat hann ekki gefið henni meistarastig og besta hund tegundar vegna áverka á kjafti. Eftir slysið í Svíþjóð síðast sumar fóru tvær fullorðinstennur og er ör á tungunni. Honum fannst þetta mjög leiðinlegt eins og mér en mat dómara á hundum sem mæta með vottorð er huglægt og verður maður að taka því. Hann var mjög hrifinn af Destiny og hvatti mig til ræktunar undan henni. Vonandi gengur okkur betur næst…

Gleðilegt nýtt ár!
Það má segja það að árið 2008 hafi verið okkur viðburðaríkt. Á deildarsýningu Chihuahuadeildar í janúar var Conan Catchas Pop Up The World; Urður, sýnd í fyrsta sinn og valin annar besti hvolpur sýningar. Urður gerði sér lítið og varð á vorsýningu Hundaræktarfélags Íslands í mars besti hvolpur dagsins!!!

Í júní fjölgaði svo í Conan Catchas fjölskyldunni. Misty Meadows Fireman; Frímann, kom frá Ítalíu með viðkomu í heilsubótarstöðinni Höfnum. Frímann heldur heimili hjá Önnu Guðjóns, Elds-mömmu, en Frímann er í sameign… ;)

Sumarsýning HRFÍ var okkur heldur betur ánægjuleg. ISCH Perluskins Casper Dínó , Dínó, gerði sér lítið fyrir og varð fjórði besti hundur sýningar!!! Það fór um okkur feðgana löðrandi gæsahúðin þegar kallað var…SNÖGGHÆRÐUR CHIHUAHUA og við töltum inn á rauða dregilinn, sælir með fjórða sætið í Best in Show ; )

Septembermánuður er okkur minnistæður. Break-Dance Di San Gimignano; Destiny, steig út úr búri sínu á Árskógsströnd að morgni 11.september, kát með að vera komin í menninguna, þó svo að menningin sé ekki uppum alla veggi á Árskógsströnd. Destiny dvaldi sem sé á heilsuhælinu Hrísey meðan heimkoma hennar var undirbúin. Destiny hefur haldið hverjum manni og hundi við efnið síðan hún kom heim. Hún er svo fjarri því að vera pjattrófa bæjarins, elskar að liggja úti með gamalt bein og skiptir hana litlu hvort úti sé kaf snjór…!!! Destiny safnar hári af miklum krafti og er að verða hin myndarlegasta.

Chaplin týndur! Það var ömurleg tilfinning, að fara heim eftir mikla leit og bíða þess að dagur kæmi á nýjan leik til að leita meira. Við tók mikil leit, skipulögð í þaula, fullt af fólki, leitarhundum og ekki leitarhundum. Chaplin fannst svo klukkan 18, verulega ruglaður í höfðinu og fullur vantrausts bæði til manna og dýra. Á rúmum sólarhring var litli hundurinn minn að verða að dýri. Hann var smá stund að átta sig að fólkið sem stóð fyrir framan hann var fjölskylda hans. Eftir þó nokkur “hæ” og “komdu Chaplin”, var eins og hann kæmist til meðvitundar um það hver við værum. Í slómó með væmnri tónlist kom Chaplin í loftköstum til okkar, vælandi og skælandi og tuðandi yfir því hvurslags meðferð þetta væri á honum. Kotroskinn gekk hann svo um dyrnar heima hjá sér og heilsaði hinum með virtum. Þeir sem heima höfðu beðið fannst ekki eins mikið til þess koma og mér að hann væri kominn heim, eins og þeir væru þess vissir að hann hefði aðeins brugðis sér í skátaferðalag… Takk allir sem hjálpuðu mér við leitina, takk.
Chaplin fundinn!

Muusa mín, Pahkinan Arnica Montana, kvaddi okkur í október. Muusa hafði átt í veikindum um nokkurn tíma og ljóst var að borin von var til þess að hún myndi koma til sjálfs síns aftur. Það var erfið stund þegar takinu var sleppt af henni á Bárunni hjá Eddu og Steina. Muusu verður ávallt minnst sem mikils karakters í litlum búk, mikil ást. Muusa naut mikillar virðingar á Bárunni, hjá fjölskyldu sinni og vinum. Muusu er minnst með söknuði.

Í nóvember var Dínó, ISCH Perluskins Casper Dínó, heiðraður sem stigahæsti snögghærði chihuahua hundur ársins. Í minningu INTCH ISCH Íslands-Ísafoldar Angantýrs, pabba Dínó, voru í fyrsta sinn heiðraðir stiguhæstu tjúarnir, snöggur og loðinn.

Við hlökkum til að takast á við nýja árið og óskum við fjölskyldu okkar og vinum farsældar á komandi ári.